PERTSONAIA BERRIAK

Begira, begira!!! Oraingo honetan zenbat pertsonaia ditugun!!!

SALTO GELA

- Ikusi makusi
zer ikusi
ikusten, ikusten, ikusten,....
Ikusten dut gauza bat hasten dela T eta bukatzen dela A
Zer da?
- Ez dakit.
- TXIMUA
- Eta non ikusten dituzu?
- Hemen, salto gelan. Zuk ez al dituzu ikusten?
- Horiek ez dira tximuak, horiek nere eskolako lagunak dira.

Salto gelan primeran pasatzen dugu, tximuarena egiten dugu, etxetxoak sortzen ditugu, itsasontzi piratak,...
Zein dibertigarria den, ikusi, ikusi,...

BubbleShare: Share photos - Find great Clip Art Images.

GOAZEN TXIKI PARKERA

Azaroaren 19an, asteazkenean, eskolako autobusa hartuta Txiki Parkera joan ginen; 3, 4 eta 5 urteko gelak elkarrekin. Bertan, oso ondo pasa genuen. Txiki Park salto gela bezalakoa da baina askoz ere handiagoa. Koloretako bola asko daude, baina, asko, asko. Baita ere txirristra eta soka ugari. Puzgarriak ez ditugu ahaztu behar.

Zein ondo pasa genuen! Baita nekatu ere. Txiki Parkera iritsi bezain pronto Maitek taldeko argazkia atera zigun eta ondoren jolasean argazki gehiago. Argazki horiek ikusteko hemen behean duzue aukera. Ea gustoko duzuen!




begira, begira! zein marrazki politak egin ditugun!

BubbleShare: Share photos - Play some Online Games.

GURE PERTSONAIAK

GURE OLERKIAK

Olerkiak oso gustoko ditugu. Lehenengo guk ikasten ditugu eta gero gelaz gela aritzen gara olerki esatari. Oraingoan, bideoan ikusteko aukera izango duzue. Ikusiko duzue zein ondo egiten dugun. Ea zuek ere gustokoa duzue.


Xut, xut, xut
berokia eranzten dut.
Xut, xut, xut
amantala jazten dut.
Xut, xut, xut
amantala eranzten dut.
Xut, xut, xut
berokia jazten dut.

bideoa ikusteko sakatu hemen

GURE IGARKIZUNAK

Zerutik bota
eta ez da puskatzen
uretara bota
berehala da desegiten
zer da?
(papera edo egunkaria)

bideoa ikusteko klikatu hemen



Puntan puntan bi
atzean zulo bi
zer da?
(goraizeak)
bideoa ikusteko klikatu hemenk)

AMASARA IRTEERA

Euskal asteari bukaera emateko Amasara igo gara oinez 3, 4 eta 5 urteko geletekoak. Arroan hasi, Igerategi baserrira joan, Musturiatik barrena Arantzabi jatetxe zenatik Amasako plazan bukatzeko.
Xabaten etxea ezagutzeko aukera izan dugu.
Eta ondoren eskolara joan gara Santa Krutz ermitatik barrena bazkaltzera.
Parkean ederki pasa dugu jolasten.

MAHATSAREN IBILBIDEA

Irati Soto bere gurasoekin aste bukaeran Najeran egon da eta mahatsondo bateko adar bat ekarri digu gelara.

Irati gelan zer egin duen azaldu digu. Eta mahatsaren ibilbidea ikusteko aukera izan dugu. Honela egiten da, mahats multzoa adarretik moztu eta plater batean ipini, ondoren aletu eta jateko prest daude.

Zein dibertigarria den! eta mahatsa zein goxoa den!

BubbleShare: Share photos - Craft Ideas

XAXIREN ONGI ETORRIA

Iritsi da eguna, urriak 22 ditu eta egunarekin batera Xaxi eskolara etorri da. Bere etxea utzi du Alustizan eta ikasturtea gurekin igarotzera etorri da.

Ongi etorria emateko jai bat antolatu dugu. Olerkiak, abestiak, marrazkiak, opariak,... izan ditugu.

Xaxi aurten kotxe dotore batean etorri da, mendian ibiltzeko kotxe handi batean. Uda, Euskal Herriko kobazuloetan eman du, horietako bat Zugarramurdi izan da.

ONGI ETORRI, XAXI, ESKOLARA!!

ELKARREKIN OSO ONDO PASAKO DUGU!!

Hona hemen Xaxiren abestia:

IKUS IKUSIAN
ALUSTIZAKOA
IPOTX ALAIA DA
GUZTION LAGUNA
GUREGANA DATOR
EUSKALDUN MAITIA
AJAJAJA!!! ZEIN DA?
XAXI IPOTXA DA

OPORRAK

ASTE OSOA OSO-OSORIK

Gure ordutegia hemen aurrean duzue. Egunero-egunero zer egiten dugun jakingo duzue.

Gogoratu, astelehenetan salto gela dugu! Ez ahaztu! erropa erosoa eta zapatila erosoak ekarri behar ditugu.

Argazki gainean klikatuz irudia handiago ikusiko dugu.

Egunero txokoz aldatzen dugu, horrela denak txoko guztietan egoteko aukera izaten dugu.

Nola egiten dugun ikusi nahi baduzu klikatu hemen.

AZAROKO MENUA

Dieta orekatua

Nazioko eta nazioarteko hainbat erakundek egiaztatu dutenez, dieta orekatu bati eusteak onura handiak dakarzkio osasunari.

Auzo lagunek bere ekarpena egin nahi du ildo horretan eta, beraz, egoki iritzi diogu dieta orekatua izateko zenbait argibide emateari. Horretarako, nutrizio Komunitarioko Elkarte Espainiarrak (SENC) proposaturiko koadroa aurkezten dizuegu erantsita. Koadroak elikagai talde bakoitzarentzat ezarritako eguneko eta asteko kontsumoa betez gero eskolako menua osatuko duen beste menu bat ezarri ahal izango dugu, dieta orekatu lortzeko.

Auzo Lagunen asmoa elikatzeko ohitura osasungarriak lortzen laguntzea da. Hori dela eta, elikagai talde bakoitzarentzat gomendatutako maiztasunak ezagutarazteaz gain, informazio osoagoa ere eskaintzen dugu, eskolako menua beste otorduen bidez osatzeko xedez.

dieta orekatua izateko zenbait argibide

ASTEKO EGUNAK

Hemen daukazuen kanta hau herrikoia da, melodia alaia da eta eskola guztietako haurrek ezagutzen dute.

ALFERRAREN ASTEA
Astelehena, jai ondoren alferra
Ezer ez egiteko ez goaz lanera.
Ez goaz lanera, ez goaz lanera
Ez goaz lanera, ez goaz lanera.

Asteartea, euria goitik behera
Busti egingo gara eta ez goaz lanera.
Ez goaz lanera, ez goaz lanera
Ez goaz lanera, ez goaz lanera.

Asteazkena osaba ezkontzen da
Opor egiten dugu eta ez goaz lanera
Ez goaz lanera, ez goaz lanera
Ez goaz lanera, ez goaz lanera.

Osteguna amonaren eguna
Ospatu nahi dugu eta ez goaz lanera.
Ez goaz lanera, ez goaz lanera
Ez goaz lanera, ez goaz lanera.

Ostirala, haginetako mina
Aspirina harturik bagoaz ohera
Ez goaz lanera, ez goaz lanera
Ez goaz lanera, ez goaz lanera.

Larunbata egun erdiko lana,
Egun erdiagatik ez goaz lanera.
Ez goaz lanera, ez goaz lanera
Ez goaz lanera, ez goaz lanera.

Igandea , lantegia itxita,
Lan egin nahi baina, ezin joan lanera.
Ez goaz lanera, ez goaz lanera
Ez goaz lanera, ez goaz lanera.

entzun nahi al duzu abestia?